Office Word 2013 បានផ្ដល់នូវ Feature ថ្មីៗមួយចំនួន ដោយក្នុងនោះមាន Feature ថ្មីមួយគឺ PDF Reflow ដែលអាចឲ្យយើង បញ្ជូល PDF File ណាមួយទៅក្នុងកម្មវិធី Office Word 2013 បាន រួចហើយអាចធ្វើការកែរាល់ទិន្នន័យផ្សេងៗបានដូចធម្មតា ហើយយើងអាចធ្វើការរក្សាទុកវាម្តងទៀតជា File PDF ដូចដើម ។
បញ្ជាក់ៈ PDF Reflow Feature ដែលមាននៅក្នុង Office Word 2013 នោះ
គឺវាធ្វើការល្អប្រសើរបំផុតទៅលើប្រភេទឯកសារទាំងឡាយណាដែលមាន
ទិន្នន័យខាងក្នុងជាអក្សរ ក៏ ប៉ុន្តែវាអាចប្រឈមនឹងបញ្ហាខ្លះប្រសិន
បើមានទិន្នន័យជារូបភាពនៅក្នុង PDF File នោះ ។ ក្នុងករណីខ្លះ កម្មវិធី Word 2013 ត្រូវការពេលប្រហែលជា 2 ឬក៏ 3 នាទី ដើម្បីធ្វើការបើកនូវ PDF File ទាំងនោះដោយអាស្រ័យទៅលើទំហំ PDF File មួយនោះ ។
វិធីសាស្រ្តក្នុងការអនុវត្តន៍
ដើម្បីធ្វើការបើក PDF File នៅក្នុង Word 2013 ជាដំបូងយើងត្រូវ Click File Tab
ចុចទៅលើ Open Option ដែលបានបង្ហាញនៅផ្នែកខាងឆ្វេង រួចហើយចុចទៅលើ Computer ប្រសិនបើ PDF File របស់យើងស្ថិតនៅក្នុង Hard Drive កុំព្យូទ័ររបស់យើង ។ បន្ទាប់មកគឺមាន Recent Folders ដែលបានបង្ហាញនៅផ្នែកខាងស្ដាំ ដោយអាចឲ្យយើងបើកឯកសារដែលមាននៅក្នុងទីតាំង My Documents និង Desktop ឬក៏អាចឲ្យយើងធ្វើការ Browse ទៅរកឯកសារនៅទីតាំងណាមួយដែលផ្សេងពីនេះ ។
បញ្ជាក់ៈ យើងក៏អាចធ្វើការបើក File ណាមួយដែលមាននៅក្នុង SkyDrive ឬក៏ពីទីតាំងណាមួយផ្សេងទៀតដោយចុចយក Add a Place ។
បន្ទាប់មកចាប់ផ្តើមទៅជ្រើសរើស PDF File នៅទីតាំងណាមួយដែលយើងបានបើក
ក្រោយពីជ្រើសរើស PDF File ហើយនោះ វានឹងបង្ហាញ dialog box ដូចខាងក្រោម ដែលវាបង្ហាញឲ្យយើងដឹងថាវាអាចចំណាយពេលវេលាខ្លះក្នុងការបំប្លែង PDF File ឲ្យទៅជា Word Document ហើយវាក៏បង្ហាញផងដែរថា ឯកសារដែលបំប្លែងហើយអាចនឹងមិនបង្ហាញឲ្យដូចទៅនឹង File ដើមនោះទេ ប្រសិនបើ File ដើមនោះមានរូបភាព ឬក៏ ក្រាហ្វិកផ្សេងៗច្រើននៅក្នុងនោះ ។
បញ្ជាក់ៈ យើងអាចកំណត់វាកុំឲ្យបង្ហាញដូចខាងលើនេះ ដោយគ្រាន់តែធ្វើការ Select ទៅលើ Don’t Show this message again ។
ក្រោយពេលដែល PDF File ត្រូវបានបើកនៅក្នុង Office Word ហើយនោះ យើងអាចចូលទៅកែនូវតួអក្សរផ្សេងៗដែលបានបង្ហាញ ។ យើងអាចវាយបញ្ចូល, លុប, ឬក៏ផ្លាស់ប្តូរទីតាំងតួអក្សរដែលមាននៅក្នុង File នោះបានយ៉ាងងាយស្រួល ។
បន្ទាប់ពីយើងបានកែទិន្នន័យផ្សេងៗហើយនោះ ដើម្បីធ្វើការបំប្លែងពី Word Document ទៅកាន់ឲ្យទៅជា PDF File វិញនោះយើងត្រូវអនុវត្តន៍តាមវិធីសាស្រ្តដូចខាងក្រោម ៖
ដើម្បីរក្សា File ជា PDF យើងត្រូវចូលទៅកាន់ File Tab រួចចុចយក Save As Option ដែលបង្ហាញនៅខាងឆ្វេង
ជំហានបន្ទាប់នោះគឺយើងត្រូវជ្រើសរើសទីតាំងដែលយើងចង់រក្សាទុក PDF File មួយនោះ ។ លោកអ្នកអាចរក្សាទុកវានៅក្នុង account SkyDrive របស់អ្នក ប្រសិនបើអ្នកមាន ឬក៏អាចរក្សាទុកនៅក្នុង Hard Drive របស់កុំព្យូទ័រអ្នក ដោយជ្រើសយក Computer Option ឬក៏អាចរក្សាវាទុកនៅទីតាំងណាមួយផ្សេងទៀត ដោយជ្រើសរើសយក Add a Place Option ។ សម្រាប់ការបង្ហាញនេះ យើងនឹងរក្សាទុកវានៅក្នុង Hard Drive កុំព្យូទ័ររបស់យើង ដូចនេះយើងរើសយក Computer Option រួចហើយ ចាប់ផ្តើម Browse ទៅកាន់ទីតាំងណាមួយដែលយើងចង់រក្សាវាទុក ។
ពេលដែលចុច Browse នោះវានឹងបង្ហាញ Save As Dialog Box ដែលអាចឲ្យយើងធ្វើការកំណត់នូវ ទីតាំង ដែលយើងចង់រក្សាទុក PDF File ។ មិនត្រឹមតែប៉ុណ្ណោះ យើងអាចដាក់ឈ្មោះ PDF File មួយនោះបាន ដោយគ្រាន់តែវាយឈ្មោះនៅក្នុង File Name edit box រួចហើយជ្រើសយក PDF (*.pdf) ដែលមាននៅក្នុង Save as Type drop down list ។ លើសពីនេះ គឺនៅមានប៊ូតុង Option មួយដែលអាចឲ្យយើងធ្វើការកំណត់នូវ Setting ជាក់លាក់មួយសម្រាប់ PDF File របស់យើង ។
បញ្ជាក់ៈ យើងសូមធ្វើការណែនាំអ្នកឲ្យផ្លាស់ប្តូរឈ្មោះ PDF File ដែលយើងបានកែហើយនោះ រួចធ្វើការរក្សាទុកវាជា File ថ្មីមួយ ដោយទុកឲ្យ File ដើមនៅដដែល ។
ប្រសិនបើយើងចុចទៅលើប៊ូតុង Option នោះវានឹងបង្ហាញនូវ Option Dialog Box ដោយអាចឲ្យយើងធ្វើការកំណត់ Setting បន្ថែមទៅលើ PDF File រួចចុច Ok ជាការស្រេច ។
ក្រោយពេលដែលយើងកំណត់ Setting ផ្សេងៗនៅលើ Option Dialog Box ហើយនោះយើងអាចចុចលើ ប៊ូតុង Save ដើម្បីរក្សាទុក PDF File ដែលបានកែរួច ។
ជាមួយនឹង PDF File ដែលយើងបានរក្សាទុកនោះគឺវានឹងធ្វើការបើកបង្ហាញឲ្យយើងឃើញជាមួយនឹងកម្មវិធី PDF Reader ដោយស្វ័យប្រវត្តិ ។
ដើម្បីធ្វើការបិទ PDF File ដើម យើងត្រូវចូលទៅ File Tab ម្តងទៀតនៅក្នុងកម្មវិធី Office Word រួចហើយចុចយក Close Option ដែលបង្ហាញនៅផ្នែកខាងឆ្វេង ។
បន្ទាប់ពីចុច Close វានឹងបង្ហាញនូវ Message Dialog Box ដោយសួរយើងថាតើយើងចង់រក្សាវាជាលក្ខណៈ File ដើមដូចមុន ឬក៏ រក្សាវាជា PDF File ថ្មីដែលយើងបានកែរួចមកហើយនោះ ។ ក្នុងករណីនេះ គឺយើងចង់រក្សាវាជាលក្ខណៈ File ដើមដដែល ដូចនេះយើងជ្រើសរើសយក Don’t Save ៕
0 comments:
Post a Comment